waun da

 

blede oirodtraktor

 

ned auschpringd

 

und

 

waun da

 

laundmaschinenmechanika

 

zu mia am hof kimmd

 

und

 

waun da

 

traktor wida ordnli

 

dislwoikn schpuggd

 

und

 

waun da

 

mechanika midn preis

 

ned aussaruggd

 

und

 

waun da

 

traktor im laalauf hupfd

 

wiawauna vareggad

 

und

 

waun da

 

mechanika nu oiwei

 

doschded und schäkad

 

und

 

waun a

 

schtod dassa

 

sei zeugs zsommpokd

 

mi auzwinkat

 

und frech frogd

 

so nebenbei

 

feschs dirndl

 

wia warads

 

mid uns zwei?

 

 

 

 

daun is des

 

zwoa nett

 

oba wegn

 

an depatn traktor

 

ge i

 

mit kan mau

 

ins bett

 

wozu hobi mi

 

sunst owigrant

 

mit da bewüligung

 

fian übazihungsromen

 

auf da bank

 

 

 

wei bei di laundwiatn

 

di modernen

 

zoid

 

da umsotz

 

di figskostn

 

drum kau si

 

da mechanika

 

jedzad gfeligsd

 

oidmodisch

 

pfiatn!

 

 

 

und mia

 

a rechnung schika

 

mit da post

 

damid ma

 

a klopapia hom

 

des uns nigs kost